የአሜሪካው ፕሬዚዳንት ዶናልድ ትራምፕ በሃገራት ላይ የጣሉት አዲስ ቀረጥ ዓለምን አስደንግጧል። አስር በመቶ ቀረጥ ዝቅተኛ ሆኖ በተቆረጠበት በአዲሱ ቀረጥ የአሜሪካ ወዳጅ ሃገራት አልቀረላቸውም ። በአዲሱ ቀረጥ ውስጥ የአሜሪካ የቅርብ አጋር እና ወዳጅ የሆነው የአውሮጳ ህብረት የ20 ከመቶ ታሪፍ ተጥሎበታል።

 

ቀደም ሲል በብረታ ብረት እና በአልሙኒየም ምርቶች ላይ ተመሳሳይ ቀረጥ ተጥሎበት የነበረው ክፍለ ዓለም አሁን ለትራምፕ ርምጃ አጸፋውን ይመለስ ይሆን እየተጠበቀ ነው።

 

 

የአውሮጳ ኅብረት የአጸፋ ርምጃ በአሜሪካን የታሪፍ ጭማሪ ላይ

ህብረቱ የቀድሞ ወዳጅነቱን ላለማጣት ነገሮችን በትዕግስት ከመጠበቅ እና የሚመጣበትን ዓለማቀፍ ተጽዕኖ ለማመጣጠን የሚወስደው እርምጃ ተጠባቂ ነው። ይህንኑ ተከትሎ ብራሰልስ የሚገኙት  የህብረቱ ባለስልጣናት በጉዳዩ ላይ እየመከሩ ሲሆን በአሜሪካ ላይ ከሚወስዱት የአጸፋ ርምጃ በተጨማሪ የንግዱን ጦርነት የሚቋቋሙበት አዲስ የገበያ መዳረሻ ማሰሳቸው እንደማይቀር እየተነገረ ነው።

የአውሮጳ ህብረት መሪዎች ፓሪስ ውስጥ ሊገናኙ ነው

ትንናሽ የኤኮኖሚ አቅም ያላቸውን እና በማደግ ላይ ያሉ ሃገራትን ጨምሮ ባዳረሰው አዲሱ የትራምፕ ቀረጥ ዐለም አዲስ የንግድ ጦርነት ውስጥ መግባቷ ርግጥ ስለመሆኑ ተንታኞች እየገለጹ ነው ። የአውሮጳ ህብረት በተናጥል የሚወስደው የአጸፋ ርምጃ በርግጥ ምን ይሆን ? 

ገበያው ንጉሴ 

ታምራት ዲንሳ 

ሸዋዬ ለገሰ