ዛሬ ጀርመን መዲና በርሊን ውስጥ የጠቅላይ ሚንሥትር ዐቢይ አህመድ የለውጥ ሒደትን በመደገፍ በቀድሞው የጀርመን አውሮፕላን ጣቢያ በአሁኑ ጊዜ የሕዝብ መናፈሻ በኾነ አካባቢ ኢትዮጵያውያን ተሰብስበው አምሽተዋል። ኢትዮጵያውያን በውጭ ሃገራት ከተሞች በተለምዶ ብዙውን ጊዜ መንግሥትን ሲቃወሙ ነበር መስማት የተለመደው። ዛሬ ግን የኢትዮጵያውያኑ መሰባሰብ ለተቃውሞ አይደለም። ኢትዮጵያውያኑን በበርሊን ያሰባሰባቸው ኢትዮጵያ ውስጥ የተጀመረው የለውጥ ሒደት እንደሆነ ተሳታፊዎቹ ገልጠዋል። አዲሱ አመራር በኢትዮጵያ የጥላቻ እና የመጠፋፋት ግንቡን ደርምሶታል፤ ለዛም ነው ለድጋፍ የተሰባሰብነው ብለዋል ከተሳታፊዎቹ አንዱ። በሥፍራው የተገኘው የበርሊኑ ወኪላችን ይልማ ኃይለ-ሚካኤልን በስልክ አነጋግሬው ነበር።

ሙሉ ቃለ መጠይቁ ከታች የድምጽ ማዕቀፉ ውስጥ ይገኛል።

ይልማ ኃይለ-ሚካኤል

ማንተጋፍቶት ስለሺ