የሀገሪቱ ጠቅላይ ሚኒስትር አቶ ኃይለማርያም ደሳለኝ፣ ፕሬዝዳንት ዶክተር ሙላቱ ተሾመ እና ከጥቂት ቀናት በፊት የዓለም ጤና ድርጅት ዳሬክተር ሆነው የተመረጡት ዶክተር ቴዎድሮስ አድኃኖም አዲስ አበባ ላይ በተዘጋጀው ሥነ- ስርዓት ላይ ተገኝተው ንግግር አድርገዋል። በአዲስ አበባ ስለነበረዉ የግንቦት 20 አከባበር የአዲስ አበባዉ ወኪላችንን በስልክ አነጋግረነዉም ነበር። በሌሎች አካባቢዎች ዕለቱ እንዴት እየተከበረ እንደሚገኝ የብሔረ አማራ ዴሞክራሲያዊ ንቅናቄ  በአጭሩ ብአዴን የከተሞች የፖለቲካ መምርያ ኃላፊ አቶ ደሳለኝ አስራደ  ለዶይቸ ቬለ ገልጸዋል። በሌላ በኩል የመላው ኢትዮጵያ አንድነት ድርጅት - መኢአድ ፕሬዚዳንት የሆኑት አቶ በዛብዝ ደምሴ  ግንቦት 20ን በማስመልከት  «መንግሥት አድርጌያለሁ ብሎ የሰነዘራቸው የዲሞክራሲና ሌሎች መብቶችን በአፍ ብቻ እንጂ በተግባር እያየናቸው አይደለም» ብለዋል።  

ዮሃንስ ግብረግዚአብሄር  

አዜብ ታደሰ