አዲስ አበባ ዉስጥ መርካቶ የገበያ ሥፍራ ትናንት ማታ የተነሳ የእሳት ቃጠሎ በርካታ መደብሮች አጋየ።ሸማ ተራ በተለዉ የገበያ ማዕከል በተለይም አንድ ሕንፃ ላይ የተነሳዉ ቃጠሎ እስከ ዛሬ ጠዋት ድረስ ሳይጠፋ ቀጥሎ ነበር።አካባቢዉን ዛሬ ጠዋት የተመለከተዉ የአዲስ አበባዉ ወኪላችን ስዩም ጌቱ እንደዘገበዉ የእሳት አደጋ መከላከያ ሠራተኞች እሳቱን ለማጥፋት እስከ ማርፈጃዉ ድረስ ሲታገሉ ነበር።ራሳቸዉን የአካባቢዉ ባለሥልጣናት እንደሆኑ የገለፁ ሰዎች ግን ጋጤኛዉ ሥለቃጠሎዉ ያሰባሰበዉን መረጃ በሙሉ ደምስሰዉበታል።በባለሥልጣናቱ አፈና ምክንያት የተሟላ ዘገባ ማቅረብ አልቻልንም።ይሁንና ቃጠሎዉ ያደረሰዉን ጉዳትና የባለሥልጣናቱን የኃይል እርምጃ በተመለከተ ስዩምን ባጭሩ አነጋግሬዋለሁ።

ነጋሽ መሐመድ

ማንተጋፍቶት ስለሺ