በዓለም አቀፍ እዉቅና ያገኙት የሊቢያ ጠቅላይ ሚኒስትር ፋይስ ኧል-ሳራጂ እና የተቃዋሚው የጦር አበጋዝ  መሪ  ጀነራል ካሊፋ ሀፍጣር ጦር አምስት አምስት የጦር መኮንኖች የተወከሉበት ወታደራዊ  ኮሚቴ ካለፈው ሰኞ አንስቶ በተባበሩት መንግስታት ጋባዥነት ጄኔቫ ሲውሰርላንድ ላይ ስብሰባ ተቀምጠዋል። ስብሰባው ከአንድ ወር ገደማ በፊት  በሊቢያ ጉዳይ በርሊን ላይ መክሮ የነበረው ዓለም አቀፍ ጉባኤ ባስተላለፈው ውሳኔ መሠረት የተጠራ ሲሆን አላማውም ተደረሰ የተባለውን የሊቢያን የተኩስ አቁም ስምምነት ተግባራዊ  ለማድረግ እንደሆነ ተገልጿል። በተባበሩት መንግሥታት ድርጅት የሊቢያ ልዩ መልዕክተኛ ጋሳን ሳላሜ ስብሰባው በጥሩ መንፈስ እየተከናወነ መሆኑን በመግለፅ  መልካም ውጤት ሊያስገኝ እንደችልም አስታውቀዋል። ይሁንና ገበያው ንጉሴ ከብራስልስ የላከልን ዘገባ እንደሚጠቁመው ቀጣይ ስብሰባ መጠራቱ አይቀርም።

ገበያው ንጉሴ

ልደት አበበ

አዜብ ታደሰ