የጉጅራቱ ሱልጣን ባሐዱር ሻሕ የግዛታቸዉን አዋሳኝ ከተቆጣጠሩት ከፖርቱጋሎች ጋር የተሻረኩት ክንዳቸዉ እየፈረጠመ፥ ግዛታቸዉ እየሰፋ፥ ደጋፊያቸዉ እየበረከተ ከመጣዉ ከሙጋል ሥርወ-መንግሥት መስራቾች ጥቃት ለመዳን ዘዴ ብለዉት ነበር።ያቺን ዉብ የባሕር ዳርቻ ከተማቸዉን ለአዉሮጳ ቅኝ ገዢዎች መስጠት ግን ግድ ነበረባቸዉ።ሰጡ።1534።ሡልጣኑ አዲስ ወዳጆቻቸዉን ለመጎብኘት ከድሮ ከተማቸዉ አጠገብ መሕልቋን ከጣለችዉ መርከብ ሲሳፈሩ በወዳጆቻቸዉ ተገደሉ።1537።ጤና ይስጥልኝ እንደምን ዋላችሁ።የማራቲዮቹ እናት አማልዕክት፥ መሪዋ በወዳጅ-ጠላቶቻቸዉ የመገደላቸዉን ጉድ ታሪክ አራት መቶ ሰባኛ አመት ለመዘከር ወራት ሥታሰላ በቀደም በሽብር ተናወጠች።በደም ጨቀየች።ሙባ፥ መሐ-አምባ፥ ሙባይ-ወይም ቦምቤይ።