በተለይም ግን በወፍራም ሰዎች፣ በአልኮል ጠጪዎችና ሌሎች ተዛማች መደበኛ ጤናን ሊያውኩ የሚችሉ ልማዶችን በሚያዘወትሩ ሰዎች ላይ ሊከሰት ይችላል። የመኝታና ትራስ አለመመቸትም ሌላኛው ምክንያት ነው። አልፎ አልፎ የማንኮራፋት ድምፅ ማሰማት ብዙም የጤና እክል ባይፈጥርም አብሮ በሚተኛ ሰው ላይ ግን ተፅዕኖ መፍጠሩ እንደማይቀር የጤና መዛባትን እየተከታተለ ጥናትና የመፍትሔ ሀሳብ የሚያቀርበው ዌብ ኤም.ዲ. የተባለው ድረ ገፅ ያብራራል። 
የሚያንኮራፋ ሰው በራሱ እና አብሮ በሚተኛው የአልጋ ተጋሪ ላይ የእንቅልፍ ጥራትን መቀነስ ብቻ ሳይሆን የእንቅልፍ መዛባትን ጭምር ያስከትላል።  በቤልጅየም የአንትወርፐ ዩኒቨርስቲ ሆስፒታል የእንቅልፍና ተዛማጅ ጉዳዮች ዶክተር የሆኑት ፕሮፌሰር ዮሃን ቨርብራከን እንዳሉት፣ "ማንኮራፋትን እንደ ቀላል ነገር የሚያዩት ብዙ ሰዎች ናቸው። በተገቢው መንገድ ወደ ህክምና መስጫ ተቋማት ሔዶ ተገቢውን ህክምና ማግኘት ካልተቻለ መዘዙና ውጤቱ ግን የከፋ ሊሆን ይችላል።

ዳግማዊ ሲሳይ

አርያም ተክሌ