የዩናይትድ ስቴትስ  ኮንግረስ የተለያዩ ሀገራት ባለሥልጣናት እና ግለሰቦች በዜጎቻቸው ላይ ለፈፀሙት በደል ተጠያቂ የሚሆኑበትን ህግ አጸደቀ ።  ህጉ በሙስና እና በሰብዓዊ መብት ረገጣ ወንጀሎች ተጠያቂ በሆኑ ላይ የአሜሪካን የይለፍ ፈቃድ ቪዛ እገዳ እና የተለያዩ ማዕቀቦችን በቀላሉ መጣል ያስችላል ። በወንጀሎቹ ተጠያቂ የሆኑ ፣በአሜሪካ የሚገኝ ንብረታቸውን መውረስ የሚያስችል እና ለፍርድ እንዲቀርቡ የሚያደርግ ነውም ተብሏል ህጉ ።እርምጃውን በጎ ያሉት አንድ የህግ ባለሞያ ለዶቼቬለ በሰጡት አስተያየት ህጉ መጽደቁ ህዝቦችን የሚበድሉ ባለሥልጣናት ሁለቴ እንዲያስቡ ያደርጋቸዋል ብለዋል ። አንድ የሰብዓዊ መብቶች ተማጋች ደግሞ በወጣው ህግ መደሰታቸውን ገልጸዋል ። መክብብ ሸዋ ከዋሽንግተን ዲሲ ዝርዝሩን አዘጋጅቷል  ።
መክብብ ሸዋ 
ኂሩት መለሰ 
ሸዋዬ ለገሠ