በመጪው ክረምት የ«ታላቁ የሕዳሴ ግድብ»ን ሁለተኛ ዙር የውኃ ሙሌት እንደምታከናውን ያሳወቀችው ኢትዮጵያ፦ ለተመድ የፀጥታው ምክር ቤት ደብዳቤ አስገብታለች። በደብዳቤውም ድርድሩ በአፍሪቃ ሕብረት እንዳይቋጭ እንቅፋት ሆነዋል ያለቻቸው የተፋሰሱ ሀገራት ላይ ተመድ ጫና እንዲያደርግ መጠየቋ ተገልጧል። ግብፅና ሱዳን የግድቡ ጉዳይ ከአፍሪቃ ኅብረት በተጨማሪ በሌሎች አካላትም እንዲታይ በመጠየቅ ኢትዮጵያ ላይ ጫና እንዲደረግ ግብጽ ለተባበሩት መንግሥታት የፀጥታው ምክር ቤት አቤት ማለቷ ይታወሳል። ኢትዮጵያ ለተመድ ደብዳቤ ማስገባቷ በዓለም አቀፍ ሕግ መሰረት አገራት ጉዳዩ የሰላምና ፀጥታ መናጋት ይፈጥራል ብለው ሲያስቡ የሚያደርጉት መሆኑን ባለሞያዎች ይናገራሉ።

ሰለሞን ሙጬ

ማንተጋፍቶት ስለሺ

እሸቴ በቀለ