ሶማልያ እና ኬንያ በገጠሙት ዉዝግብ ሶማልያ ከምስራቅ አፍሪቃ የልማት በይነ መንግሥታት «ኢጋድ» እወጣለሁ ስትል አስፈራራች። ሶማልያ ትናንት ይህን የገለፀችዉ በሁለቱ ሃገራት መካከል ያለዉን ዉዝግብ እንዲያጣራ ኢጋድ የሾመዉ  ቡድን የሶማልያን ጥያቄ ዉድቅ ካደረገ በኋላ ነዉ። ሶማልያ በበኩልዋ ድርጅቱ ግልፅ እና ነፃ ያልሆነ ወገንተኛ ስልትል የምስራቅ አፍሪቃ የልማት በይነ መንግሥታት «ኢጋድ»ን ወርፋለች። ባለፈዉ ሳምንት የሶማሊያ መንግሥት ሉዓላዊነቱንና ዓለም አቀፍ ሕግና ስርዓትን መሠረት በማድረግ የሃገሪቱን አንድነትና ሉዓላዊነት የመጠበቅና ሃገሪቱን የማረጋጋት ሕገ መንግሥታዊ ግድታውን ለመወጣት ከኬንያ መንግሥት ጋር ዲፕሎማሲያዊ ግንኙነቱን ለማቋረጥ ወስኗል ስትል ማስታወቅዋ አይዘነጋም። በሶማልያ እና ኬንያ መካከል እየከረረ የመጣዉ ዉዝግብ ለሃገራቱ ፤ ለአፍሪቃ ቀንድ ብሎም ፤ ለኢጋድ ምን አንደምታ ይኖረዉ ይሆን?  

አዜብ ታደሰ 
ኂሩት መለሰ