ቱኒዝያን ከሁለት አስርተ ዓመታት በላይ የመሩት የቀድሞ ፕሬዚደንት ዜን አብዲን ቤን አሊ ከዚህ ዓለም በሞት ተለዩ። የ83 ዓመቱ ቤን አሊ ባለፈዉ ሳምንት መገባደጃ ከሚኖሩበት ስደት ዓለም ከሳዉዲ አረብያ መታመማቸዉ እና ሆስፒታል መግባታቸዉን ጠበቃቸዉ ለመገናኛ ብዙኃን ተናግረዉ ነበር። በቱኒዝያ ሕዝባዊ አብዮት አምባገነን ተብለዉ በጎርጎረሳዊዉ 2011 ከስልጣናቸዉ የተነሱትና ወደ ሳዉዲ አረብያ የተሰደዱት ቤን አሊ ባለፈዉ ሳምንት « በጠና ታመዋል ህመማቸዉ ግን ለሕይወት የሚያሰጋ አይደለም ተብሎ ተነግሮ ነበር። በሕዝብ ግፊት የተባሩትን የቀድሞዉን ፕሬዚዳንት ቤን አሊን ተክተዉ ወደ ስልጣን የመጡት የ 92 ዓመቱ የቱኒዝያ አዛዉን ፕሬዚዳንት ኤስቢሲ ከዚህ ዓለም በሞት መለየታቸዉን ተከትሎ ባለፈዉ ሳምንት መጨረሻ ቱኒዝያ ፕሬዚዳንታዊ ምርጫን አካሂዳ ነበር።  

አዜብ ታደሰ 

ኂሩት መለሰ