1. ወደ ይዘቱ እለፍ
  2. ወደ ዋናዉ ገጽ እለፍ
  3. ወደ ተጨማሪ የDW ድረ-ገፅ እለፍ
የፕሬስ ነጻነትአፍሪቃ

በኢትዮጵያ መገናኛ ዘዴዎች ላይ የበረታው ጫና

እሑድ፣ ኅዳር 6 2019

ኢትዮጵያ ውስጥ በመገናኛ አውታሮች ላይ የሚደርሰው ጫና ከጊዜ ወደ ጊዜ እጅግ እየበረታ ነው ። ከሰሞኑ እንኳን ሦስት ዐሥርተ ዓመታት ግድም ያስቆጠረው ሪፖርተር ጋዜጣ «ከኢትዮጵያ ብሔራዊ ጥቅም ጋር የሚጻረሩ ይዘቶችን አሠራጭቷል» በሚል በኢትዮጵያ መገናኛ ብዙኃን ባለሥልጣን ላልተወሰነ ጊዜ ሙሉ ለሙሉ መታገዱ ተሰምቷል ። ወዴት እያመራ ነው?

ኢትዮጵያ ውስጥ በመገናኛ አውታሮች ላይ የሚደርሰው ጫና ከጊዜ ወደ ጊዜ እጅግ እየበረታ ነው
ኢትዮጵያ ውስጥ በመገናኛ አውታሮች ላይ የሚደርሰው ጫና ከጊዜ ወደ ጊዜ እጅግ እየበረታ ነውምስል፦ Sollomon Muchie/DW

በቅርቡ እንኳ ሪፖርተር ታግዷል፥ የሚዲያ ምሕዳሩ ወዴት እያመራ ነው?

This browser does not support the audio element.

ኢትዮጵያ  ውስጥ በመገናኛ አውታሮች ላይ የሚደርሰው ጫና ከጊዜ ወደ ጊዜ እጅግ እየበረታ ነው ። ከሰሞኑ እንኳን ሦስት ዐሥርተ ዓመታት ግድም ያስቆጠረው ሪፖርተር ጋዜጣ «ከኢትዮጵያ ብሔራዊ ጥቅም ጋር የሚጻረሩ ይዘቶችን አሠራጭቷል» በሚል በኢትዮጵያ መገናኛ ብዙኃን ባለሥልጣን ላልተወሰነ ጊዜ ሙሉ ለሙሉ መታገዱ ተሰምቷል ።

ከዚያ ቀደም ብሎ በየጊዜው የተለያዩ ጋዜጠኞች እና የመገናኛ ብዙኃን ባለሞያዎች ሲታሰሩ ሌሎች ደግሞ ሲዋከቡ ተስተውሏል ። የዶይቸ ቬለ የአማራ እና የትግራይ ክልሎች ወኪል ጋዜጠኞች ፈቃድ አሁንም ድረስ እንደታገደ ነው ። እነዚህ ለአብነት ያህል የተጠቀሱ ናቸው ።

ኢትዮጵያ በመገናኛ ብዙኃን ነጻነት መስፈርቶች ከዓለም 180 አገራት መካከል 148 ደረጃ ላይ ቁልቁል እንደምትገኝ እና ኹኔታውም እጅግ አሳሳቢ እንደኾነ ድንበር የለሽ የጋዜጠኞች ቡድን (RSF) ሚያዝያ 23 ቀን፣ 2018 ዓም ያወጣው ዘገባ ይጠቁማል ።

ለመኾኑ የመገናኛ አውታሮች ላይ ከቅርብ ጊዜያት ወዲህ ጫናው የበረታበት ምክንያቱ ምን ይኾን? የዛሬው ውይይት ዋነኛ ትኩረት ነው ።   ሦስት እንግዶች የጋበዝንበትን ሙሉውን ውይይት ለማድመጥ የድምፅ ማዕቀፉን ይጫኑ።

ማንተጋፍቶት ስለሺ

ነጋሽ መሐመድ

 

ማንተጋፍቶት ስለሺ ሥዩም Mantegaftot Sileshi ዜና አዘጋጅ፤ መርኃ ግብር መሪ፤ የሳምንታዊ ስፖርት አዘጋጅ ነው፥ በአጭር ፊልም የበርካታ ዓለም አቀፍ ተሸላሚው ማንተጋፍቶት የቪዲዮ ዘገባዎችንም ያዘጋጃል።@manti
Edited by: Negash Mohammed ነጋሽ መሐመድ
ቀጣዩን ክፍል እለፈው የ DW ታላቅ ዘገባ

የ DW ታላቅ ዘገባ

ቀጣዩን ክፍል እለፈው ተጨማሪ መረጃ ከ DW

ተጨማሪ መረጃ ከ DW