ቃጠሎውን ተከትሎ መስጊዶቹን መልሶ ለመገንባትና ለአገልግሎት ለማብቃት በረካታ ሰዎችና ተቋማት ቃል የገቡ ቢሆንም፤ እስካሁን ቃሉን ጠብቆ ገንዘብ ገቢ ያደረገ አካል ባለመኖሩ፤ ግንባታው የታሰበውን ያህል አንዳልሄደና በአሁኑ ወቅት በገንዘብ እጥረት ስራውን እስከማቆም መድረሳቸውን የአሰሪ ኮሚቴዉ ሰብሳቢ ሀጂ ኡስማን አሊ ለዶቼ ቬለ ገልፀዋል።
 ነዋሪዎች በበኩላቸዉ በተፈጠረዉ የገንዘብ እጥረት እስካሁን የመስጊዱን መሰረት ለመጣል እንኳ ችግር ማጋጠሙን ገልፀዋል። ባለፈው አንድ ዓመት ሳዑዲ አረቢያ የሚገኙ ወገኖች ባደረጉት ድጋፍ የመስጊዶቹን መሰረት የመጣል ስራ ለመስራት እየተሞከረ ቢሆንም የመሬቱ ተፈጥሯዊ ሁኔታ አስቸጋሪ በመሆኑ በተገኜዉ ዉሱን ገንዘብ ማጠናቀቅ አለመቻሉን የአሰሪ ኮሚቴዉ ሰብሳቢ ሀጂ ኡስማን አሊ ለዶይቼ ቬለ አስረድተዋል፡፡ስለሆነም «በቀጣይ የአገሪቱ የሰላም ሁኔታ የተረጋጋና አስተማማኝ ከሆነ ተንቀሳቅሰን ገንዘብ በማሰባሰብ መሰጊዶቹ አንዲገነቡ አናደርጋለን» ብለዋል፡፡ ሁለቱ መስጊዶች የዛሬ ዓመት ጥር 26/2011 ዓ ም በአማራ ክልል፣ ደቡብ ጎንደር ዞን፣ እስቴ ወረዳ፣ መካነየሱስ ከተማ በተነሳ ሁከት ነበር ለቃጠሎ የተዳረጉት።

ዓለምነዉ መኮንን

ፀሐይ ጫኔ
አዜብ ታደሰ