በኮንሶ ዞንና በአጎራባች ወረዳዎች ታጣቂዎች በርካቶችን ገደሉ
ሐሙስ፣ ኅዳር 10 2013![Äthiopien Konflikt zwischen Konso & Ale](https://static.dw.com/image/54925540_800.webp)
ማስታወቂያ
በደቡብ ክልል በኮንሶ ዞን እና በሁለት አጎራባች ወረዳዎች ታጣቂዎች ባደረሱት ጥቃት 15 ሰዎች ሲገደሉ በርካቶች መቁሰላቸውን የዐይን እማኞች ተናገሩ።
የአካባቢው ነዋሪዎች ለዶይቸ ቬለ እንዳሉት ጥቃቱ ባለፉት ሁለት ተከታታይ ቀናት የተፈጸመው በኮንሶ ዞን ፣ በአማሮ አና በቡርጂ ልዩ ወረዳዎች ውስጥ በሚገኙ የገጠር ቀበሌዎች ውስጥ ነው።
በአካባቢዎቹ ጥቃቶች መፈጸማቸውን ለዶይቸ ቬለ ያረጋገጡት የደቡብ ክልል ሰላምና ጸጥታ ቢሮ ኃላፊ አቶ አለማየሁ ባውዴ ይሁንእንጂ በሰውና በንብረት ላይ የደረሰው ጉዳት መጠን እየተለየ ይገኛል ብለዋል።
በአሁኑወቅት መንግስት ጥቃቱ ወደ ተፈጸመባቸው ቀበሌያት የፀጥታ አባላትን ያሰማራ ሲሆን የድርጊቱን ፈጻሚዎች ለይቶ ለመያዝም ከህብረተሰቡ ጋር ውይይት እየተካሄደ እንደሚገኝ ኃላፊው ተናግረዋል።
ሸዋንግዛዉ ወጋየሁ
እሸቴ በቀለ