ባህር ዳር በትናንቱ ውጊያ የሞቱባትን ነዋሪዎችዋን ዛሬ ስትቀብር ውላለች። ትናንት በባህርዳር ከተማ በተለይ በሦስት ቀበሌዎች በፋኖና በመከላከያ ሠራዊት መካከል በተካሄደ ውጊያ በርካታ ሰዎች መገደላቸውንና መቁሰላቸውን በሟቾች ቀብር ላይ የተገኙ አስተያየት ሰጭዎች ለዶቼቬለ ተናግረዋል። በውጊያው የሞቱ ሰዎች ስርዓተ ቀብር ዛሬ በተለያየ ቦታ መፈጸሙን የባህርዳሩ ወኪላችን አለምነው መኮንን ዘግቧል። ከሞቾቹ አብዛኛዎቹ ከጦርነቱ ጋር ምንም ግንኙነት የሌላቸው ናቸው ሲሉ አንዳንድ ነዋሪዎች ለዶቼቬለ ተናግረዋል። ነዋሪዎቹ ከባህር ዳር ማረሚያ ቤት ብቻ ሁለት ሺህ የሚጠጉ ያሏቸው ታራሚዎች ሲወጡ ማየታቸውንም ተናግረዋል። ባህር ዳር ከትናንት ከሰዓት አንስቶ እስከ ዛሬ ምሽት ድረስ ተኩስ እንዳልተሰማባት አለምነው ዘግቧል።

 

አለምነው መኮንን

ኂሩት መለሰ

እሸቴ በቀለ