የአፍሪቃ ፓስፖርት
ሰኞ፣ የካቲት 20 2009
ማስታወቂያ
የአፍሪቃ ህብረት የሰላም እና የፀጥታ ምክር ቤት በክፍለ ዓለሙ የሰዎች እና የሸቀጦች ነጻ ዝውውር ተግባራዊ እንዲሆን አስፈላጊዎቹ እርምጃዎች እንዲወሰዱ ጠየቀ ። ባለፈው ሳምንት በዚሁ ጉዳይ ላይ የተነጋገረው ምክር ቤቱ ባወጣው መግለጫ ነፃ የሰዎች እና የሸቀጦች ዝውውር የአፍሪቃን ውህደት ያመቻቻል ያፋጥናልም ሲል አስታውቋል ። አፍሪቃውያንን በአባል ሀገራት ውስጥ በነፃ መዘዋወር ያስችላል ስለተባለው ነጻ ፓስፖርት ጉዳዩ ዶቼቬለ ያነጋገራቸው የኤኮኖሚ እና የፖለቲካ ጉዳዮች አጥኚ እና ተንታኝ ከነጻ ዝውውሩ በፊት በአባል አገራት መካከል የንግድ ትስስሩን እና ኤኮኖሚያዊ እንቅስቃሴውን ማጠናከሩ መቅደም ይኖርበታል ብለዋል ።
ጌታቸው ተድላ ኃይለ ጊዮርጊስ
ኂሩት መለሰ
አዜብ ታደሰ