የፕሬስ ነፃነትን በተመለከተ በዓለማችን ምንም ለዉጥ ያላሳየች የመጨረሻዋ ሃገር ኤርትራ ናት ሲል ድንበር የለሹ የጋዜጠኞች ማኅበር «Reporters Without Borders» አስታወቀ። ማኅበሩ በቅርቡ በጀርመን መዲና በርሊን ላይ ይፋ ባደረገዉ ጥናት እንዳሳወቀዉ ፤ ኤርትራ ባለፉት 10 እና 15 ዓመታት በፕሬስ ነፃነት ላይ ምንም አይነት መሻሻልን አላሳየችም። አሁንም ለዓመታት የታሰሩት ጋዜጠኞች  አልተፈቱም፤ ቤተ-ዘመዶቻቸዉም የታሰሩበትን ቦታ አያዉቁም። ወጣት የሆነዉ አብዛኛዉ የማኅበረሰብ ክፍል በብሔራዊ ዉትድና ተጠምዶአል፤  በ 21 ኛዉ ክፍለ ዘመን የሃሳብ እና የመረጃ መለዋወጫ የሆነዉን የኤሌክትሮኒክስና የኢንተርኔት ተጠቃሚ አይደለም። የዓመቱ የሚከበረዉ የፕሬስ ነፃነት ቀን የፊታችን አርብ በመላዉ ዓለም ታስቦ ይዉላል። 

ይልማ ኃይለሚካኤል

 አዜብ ታደሰ 
እሸቴ በቀለ