የስጳኝ ማዕከላይ መንግሥት የካታላን መሪ ካርለስ ፕዊጂዴሞንት ባለፈው ሳምንት ለምክር ቤት ባሰሙት ንግግራቸው ነፃነት አውጀው መሆን አለመሆናቸውን በግልጽ እንዲያሳውቁ የሰጣቸው ቀነ ገደብ ፕዊጂዴሞንት መልስ ሳይሰጡ ዛሬ አብቅቷል። የካታላን መሪ ካርለስ ፕዊጂዴሞንት  ዛሬ መልሳቸውን ያሳውቃሉ ተብሎ ሲጠበቅ፣ እሳቸው ግን ከማዕከላዩ መንግሥት ጋር ለሚቀጥሉት ሁለት ወራት ንግግር እንዲደረግ የሚጠይቅ ደብዳቤ ነው የላኩት። በዚህም የተነሳ ስጳኝ ቀነ ገደቡን እስከ ሀሙስ ማራዘሟ ተሰምቷል። ፕዊጂዴሞንት የግዛቱን ነፃነት ማወጅ አለማወጃቸውን በግልጽ ያላሳወቁበትን ምክንያት እና የስጳኝ መንግሥት በግዛቱ እና በመሪዎቹ አንጻራቸው ሊወስደው ይችላልል የሚባለውን ርምጃ በተመለከተ የብራስልሱን ወኪላችን ገበያው ንጉሤን በስልክ አነጋግሬዋለሁ።

ገበያው ንጉሤ

አርያም ተክሌ

ኂሩት መለሰ