የቡርኪና ፋሶ ፕሬዚዳንት ሮህ ማርክ  ካቦሬ በሃገሪቱ ታዋቂ የነበሩት የእስልምና ሃይማኖት መሪ መገደቸዉን በጥብቅ አወገዙ።  የ 73 ዓመቱን ኢማም የገደሉ ሰዎች ድርጊት ሰብዓዊነት የጎደለዉ ርካሽ ስራ ሲሉ ፕሬዚዳንት ካቦሬ ተናግረዋል። ባለፈዉ ማክሰኞ በሰሜናዊ ቡርኪናፋሶ ሳዉም ግዛት ዉስጥ የ 73 ዓመቱ የሃይማኖት መሬ ባልታወቁ ሰዎች ታፍነዉ ተወስደዉ ትናንት ቅዳሜ አስክሬናቸዉ መገኘቱ ከቦታዉ የደረሰዉ መረጃ ያሳያል። ኢማሙ በቡርኪናፋሶ  የተለያዩ ሃይማኖተኞችን በማቀራረብ መቻቻልን በመስበካቸዉ የሚታወቁ እና የሚወደዱ  ነበሩ። ግድያዉ ለምን እንደተፈፀመ እስካሁን ግልፅ የሆነ ነገር የለም። ሰሜናዊ ቡርኪናፋሶ አማፅያን እና በማኅበረሰቡ  ዉስጥ የሚገኙ ጽንፈኞች በተደጋጋሚ  ጥቃት እንደሚያደርሱ ተመልክቶአል። ባለፈዉ ማክሰኞ ታፍነዉ ተወስደዉ የተገደሉት ታዋቂዉ ታዋቂዉ ኢማም ፤ ለተደጋጋሚ ጊዜ ከፅንፈኞች ጥቃት አምልጠዉ ነበር።

አዜብ ታደሰ