የማይዳሰሱ ቅርሶችና ኢትዮጵያ
ሐሙስ፣ ኅዳር 18 2007![](https://static.dw.com/image/17382062_800.webp)
ማስታወቂያ
የማይዳሰሱ ቅርሶችን ይዘትና የሚመረምረዉ የዓለም በይነ-መንግሥታት ኮሚቴ ዘጠነኛ ሥብሰባ ፓሪስ ፈረንሳይ ዉስጥ እየተኪያሔደ ነዉ።ካለፈዉ ሰኞ ጀምሮ እስከ ነገ የሚቀጥለዉ ሥብሰባ ከስምንት ሐገራት ከቀረቡለት የማይዳሰሱ ቅርሶች መካካል የኬንያን፤የዩጋንዳና የቬኑዙዌላን ሲቀበል፤ ከኮሎምቢያ የቀረበዉን ዉድቅ አድርጎታል።ኢትዮጵያን ጨምሮ ሌሎች አራት ሐገራት ግን ኮሚቴዉ ዉሳኔ ከመስጠቱ በፊት እራሳቸዉን ከዉድድሩ አግልለዋል።24 አባል ሐገራትን የሚያስተናብረዉ ኮሚቴ አባል የሆነችዉ ኢትዮጵያ ያቀረበችዉ «ወርሻቶ» ወይም አሹራ የተሰኘዉን የሐረሪ ብሔረሰብ ባሕልን ነዉ።የፓሪሷ ወኪላችን ሐይማኖት ጥሩነሕ የሚከተለዉን ዘገባ ልካልናለች።
ሐይማኖት ጥሩነሕ
ነጋሽ መሐመድ