ጀርመን በአፍሪቃ ካላት ወደ አንድ ሺህ የሚጠጉ  ኩባንያዎች ዉስጥ ትልልቆቹን ሜርሰዲስ ቤንዝ፣ቢም ደብሊዉና ሲመንስን ጨምሮ ወደ ስድስት መቶ የሚጠጉት ኩባንያዎች  በደቡብ አፍሪቃ ይገኛሉ።ከዚህ ጋር ተያይዞ የሜርከል  ጉብኝትና ዉይይት  እንደ ከዚህ ቀደሙ በስደተኞች ዙሪያ ሳይሆን  ከእነዚህ ሀገራት ጋር በሚኖረዉ የንግድና የምጣኔ ሀብት ትስስር ላይ ያተኩራል ተብሎ ነዉ የሚጠበቀዉ። የዛሬ ሁለት ዓመት ገደማ የደቡብ አፍሪቃዉ ፕሬዚዳንት ሲርል ራማፎዛ ጀርመንን የጉበኙ ሲሆን የጀርመኑ ፕሬዚዳንት ፍራንክ ዋልተር ሽታይንማየርም ከሲር ራማፎዛ ጉብኝት ከአንድ ወር በኃላ ደቡብ አፍሪቃን ጎብኝተዉ ነበር። በወቅቱ በተደረገዉ ጉብኝትም የስደተኞች ጉዳይ የሀገራቱ ዋና መነጋገሪያ ነበር።

 
ሙሉ ቅንብሩን የድምፅ ማዕቀፉን ተጭነዉ ያድምጡ።
ይልማ ኃይለሚካኤል 
ፀሐይ ጫኔ 
አዜብ ታደሰ