መራሂተ መንግሥት አንጌላ ሜርክል ደቡባዊ የአፍሪካ ሃገራትን ጎበኙ ነው። ለይፋዊ የስራ ጉብኝት ደቡብ አፍሪካ ፕሪቶሪያ የገቡት የጀርመኗ መራሂተ መንግስት አንጌላ ሜርክል ከደቡብ አፍሪካው ፕሬዚዳንት ሲርል ራማፎዛ ጋር ተወያይተዋል። መራሂተ መንግስት አንጌላ በደቡብ አፍሪካ የጀመሩትን ጉብንታቸውን ነገም ቀጥለው ወደ አንጎላ እንደሚያቀኑ ይጠበቃል። አንጌላ ሜርክል በደቡብ አፍሪካ በነበራቸው ጉብኝት በሃገራቱ መካከል ያለውን የንግድ ግንኙነት ማጠናከር በሚያስችላቸው ጉዳዮች ላይ ትኩረት ሰጥተው እንደተወያዩ ተገልጿል።  ጀርመን ከቻይና በመቀጠል ከዩናይትድ ስቴት በመቅደም የደቡብ አፍሪካ የንግድ ሸሪክ ናት። እንደ ጎርጎርሳዊያኑ አቆጣጠር በ2018 ጀርመን እና ደቡብ አፍሪካ የ17 ቢልዮን ኦይሮ የንግድ ልውውጥ በሁለቱ ሃገራት መካከል ተከናውኗል። በታዳሽ ሃይል መስክ የሚያደርጉትን ለማጠናከር እንደሚሰሩ በዚሁ ወቅት ተገልጿል። ሜርክል በደቡብ አፍሪካ ቆይታቸው ይዘዋቸው ከመጡት የንግድ ልዑክ ጋር በመሆን ከደቡብ አፍሪካ የንግድ ማህበረሰብ ጋር እንደሚወዩ ይጠበቃል። መራሂተ መንግስት አንጌላ ሜርክል ጉብኝታቸውን በመቀጠል ወደ አንጎላ አቅንተው ፕሬዚዳንት ጆአ ማኑኤል ጎንሳልቬስ ከፍተኛ አቀባበል አድርገዉላቸዋል። ሁለቱ መሪዎች ነገ ዉይይት እንደሚad,ርጉ ይጠበቃል። ሃገራቱ በጋራ መስራት በሚያስችላቸው በርካታ ጉዳዮች ላይ ስምምነት እንደሚፈራረሙም ታውቋል።

ታምራት ዲንሳ

አዜብ ታደሰ