የሩሲያ ምርጫና የፕሬዝዳንት የፑቲን አሸናፊነት
ሰኞ፣ መጋቢት 9 2016![ፑቲን ከድሉ በኋላ ንግግር ሲያደርጉ](https://static.dw.com/image/68599488_800.webp)
በሩሲያ ላለፉት ሶስት ቀናት በተካሄደው ፕሬዝዳንታዊ ምርጫ ፕሩዝዳንት ቩላድሚር ፑቲን የመራጩን ህዝብ 88 ከመቶ ድምጽ በማግኘት አሸናፊ መሆናቸው ተገልጿል። ፕሬዝድንት ፑቲን የምርጫ ውጤቱ በምርጫ አስፈጻሚው አካል ይፋ መሆኑን ተከትሎ ባሰሙት ንግግር፤ ውጤቱ ሀዝቡ በእሳቸውና አስተዳደራቸው ያለውን እምነት ያረጋገጠበት መሆኑን ገልጸዋል፤ “ ድምጽ ውጤቱ በህዝቡ በኩል ያለውን አሜነታ የሚያሳይ ነው። ወደፊት በርክታ ስራዎች ይጠብቁናል።በእቅዳችን መሰረት በመስራት ሀላፊነታችንን እንወጣለን በማለት የመረጧቸውንና እምንት የጣሉባቸውን ያገራቸውን ህዝቦች አመስግነዋል።
የተላለፉ መለዕክቶችና ትችቶች
በምርጫው ውጤትና የፕሬዝዳንት ፑቲን ድል፤ የቻይና፣ ኢራን፤ ቤላሩስና ጥቂት የማይባሉ የላቲን አሜሪካ አገሮች መሪዎች ፈጥነው የደስታ መልክት አስተላለፈዋል። ቀድሞውንም የምርጫውን ሂደት ሲተቹና ፕሬዝዳንት ፑቲንንም በአምባገንነት የሚወነጅሉት የአሜሪካና አውሮፓ መሪዎች ግን ውጤቱን ፕሬዝድንት ፑቲን ብቻቸውን ተወዳድረው ያሸነፉበት ቲያትር በማለት ተሳልቀውበታል።
ከሩሲያ ጋር በጦርነት ውስጥ ያለችው ዩክሬን ፕሪዝዳንት ሚስተር ዘለንስኪ በበኩላቸው፤ “ የሩሲያ አምባገነን ገዥ አዲስ የምርጫ ቲያትር እየሰራ ነው።፤ አሁንም ባለፉት አመታት ሲያደርግ እንድቆየው ሁሉ ስልጣኑን ለማረጋግጥና ለሁልግዜም በስልጣን ለመቆየ ት የሚስራው ቲያትር መሆኑን ሁሉም ያውቀዋል” በማለት ምርጫው ፕሬዝድንት ፑቲን አገዛዛቸውንና የጦርነት ፖሊሲያቸውን ያስቀጠሉበት ተውኔት መሆኑን ገልጸዋል።የሩስያ ፕሬዚደንታዊ ምርጫ ውጤት
የሩሲያ ምርጫ ዴሞክራሲያዊነት ማነጻጸሪያ
ፕሬዝዳንት ፑቲን ግን ምርጫው ህዝቡ በነጻነትና በፈቃዱ የፈለገውን የመረጠበት፤ የዴሞክራሲ መብቱን በመጠቀምም ለመሪዎቹ ይሁንታውን የስጠበት ነው በማለት በሩሲያ ምርጫ ሂደት ላይ የሚቀርቡ ትችቶችን ውድቅ አድረገዋል። ከአንድ የአሜሪካ መገኛኛ ብዙሀን፤ በምርጫው ዴሞክርሲያዊነት ላይ ለቀረበላቸው ጥያቄ ሲመልስም፤ “ ምርጫው ዴሞክራሲያ እንደነበረ ነው የማምነው፤ ይልቁንስ በእናንተ አገር የአስተዳደር ስርዓቱ በተፎካካሪ ፕሬዝዳንቱ ላይ ፍርድ ቤት ሳይቀር እያሳደረ ያለውን ተጾኖ ማስተዋል ትችላላችሁ። እኛ የዚያ አገር ፕሬዝዳንት ምርጫ የለንም ህዝቡ ከመረጠው ጋር ነው የምንሰራው፤ ግን በተፎካክሪ ፕረዝደንቱ ላይ የሚሰራው አለምን በሙሉ ያስገረመ ነው” በማለት የሩሲያን ምርጫ ዴሞክራሲያዊ አይደለም ለማለት ማንም የሞራል ብቃት ሊኖረው እንደማይችል አስታውቀዋል።
ለረጅም አመታት በስልጣን የቆዩ የሩሲያ መሪ
የቀድሞዋ ሶቭየት ህብረት የስለላ ድርጅት ኬጂፕ አባል የነበሩት የ71 አመቱ አዛውንት ፕሬዝድንት ፑቲን፤ አሁን ለፕሬዝዳንትነት የተወድደሩትና ያሸነፉት ለአምስተኝ ግዜ ሲሆን፤ ለቀጣዮቹ ስድስት አመታትም በሩሲያ የስልጣን ማማ ላይ የሚያቆይቸው ነው። ይህም ፕቱንን በሶቭየት ህብረት ታሪክ ለረጅም አመታት በስልጣን ላይ የቆዩትን ጆሴፍ ስታሊንን የሚበልጡ እንደሚያደርጋቸው ነው የሚነገረው።ሞስኮን ከምዕራባውያን ያፋጠጠው የሩሲያ አራት ግዛቶች ግንጠላ
ተሳትፎና ተቃውሞ
ከሩሲያ 114 ሚሊዮን መራጭ ህዝብ ውስጥ 74 ከመቶው እንደመረጠና ይህም ከፍተኛው የህዝብ ተሳትፎ እንደሆነ ተገልጿል።። በቅርቡ በእስር ላይ እንዳሉ የሞቱት የተቃዋሚው አሌክሲ ናቫንሊ ባላቤትና ደጋፊዎች ባቀረቡት ጥሪ መሰረት፤ በርካቶች በምርጫ ጣቢያዎች በመገኘት ተቃውሟቸውን
መግለጻቸውም ተዘግቧል።
የሩሲያ ምርጫ ቀድሞና ዘንድሮ
ቀድሞ የሞስኮ ዲደብሊው ዋና ተወካይ የነበረው ጁሪ ሬስቼቶ እንደገለጸው፤ የዘንድሮው ምርጫ ከቀድሞውዎቹ ምርጫዎች ጋር ይመሳሰላል፤ ይለያልም ፤” በአንድ በኩል ይህ ምርጫ ኧንደሌሎቹ የሩሲያ ምርጫዎች አልፎ አልፎ ችግሮች የታዩበትና አሸናፊው አስቀድሞ የታወቀበት ነው፡፤ በሌላ በኩል በጦርነት ውስጥ የሚካሄድ በመሆኑ ፈጹም የተለየ ነው በማለት ይህ ሁሉ ሩሲያኖች በፕሬዝድንት ፑቲን ቀጣዮቹ ስድስት እመትት ብዙ ተስፋ እንዳያደርጉ ሊያደርጋቸው ይችላል ብሏል።
ፑቲን ተመራጭ የሆኑባቸው ምክንያቶች
ህዝቡ ለፕሬዝዳንት ፑቲንን ለአምስተኝ ግዜ የመረጠበት ምክኒያት ከዩክሬን ጋር በቀጥታና ከምራባውያን ጋር በተዘዋዋሪ እየተካሄደ ያለውን ጦርነት፤ የሩሲያን ደህንነት በሚያረጋግጥ ሁኔታ ለመቋጨት ፕሬዝዳንት ፑቲንን ተመራጭ አድርጎ በመውሰዱና፤ የሩሲያ ኢክኖሚም ከአሜሪካና መዕራባውያን እየተደረገበት ያለውን ማዕቀብ መቋቋቋም በመቻሉ ነው የሚሉ ታዛቢዎች፤; ውጤቱ ግን በጦርነቱ እንዲቀጥሉና ከምራባውያን አንጻር የሚከተሉትን አሉታዊ ፖሊስም እንዲገፉበት ሊያደርጋቸው ንደሚችል ይገልጻሉ።
ገበያው ንጉሴ
ለዲደብሊው
ብራስልስ