በምያንማር የሮሂንግያ ሙስሊም ማህበረሰብ ላይ በተከፈተው ግጭት ምክንያት ህዝቡ ለሞት እና ለስደት ተዳርጓል። ከ 2 ሳምንት በፊት አማጽያን በ አንድ የፖሊስ ጣቢያ ላይ ባደረሱት ጥቃት ሰበብ  የማይንማር ወታደሮች በህዝቡ ላይ ጦርነት ከፍተው ጥቃት እያደረሱ መሆኑ እየተዘገበ ነው። በሁለት ሳምንት ውስጥም ከ400 በላይ ሰዎች ተገድለዋል። ህጻናት እና ሴቶች የሚያመዝኑባቸው 125 ሺህ የሚሆኑ ስደተኞች በአስቸጋሪ ሁኔታ ድንበe አቋርጠው ባንግላዴሽ ገብተዋል። በሮሂንግያ ሙስሊሞች ላይ ይሄ ሁሉ በደል የሚፈጸመው የኖቤል የሰላም ተሸላሚ አውን ሳን ሱቺ ሥልጣን ላይ ባሉበት ጊዜ መሆኑ ማነጋገሩ ቀጥሏል።  ገበያው ንጉሴ ዘገባ አዘጋጅቷል