ሰኔ ባተ-ፈተና መጣ ነዉ ለተማሪ።ሰኔ ሁለት ሳምንት ይቀረዋል።ዝግጅቱ ግን፣ የተፈታኞቹን ባናቅዉም ፈታኞቹ አጠናቅናል ብለዋል።በተለይ ብሔራዊ ፈተና የሚወስዱትን የአስረኛ እና የ12ኛ ክፍሎች ተማሪዎችን በስርዓት ለማስፈተን ከፀጥታ ቁጥጥር እስከ መፈተኛ ሥፍራዎች ያሉ ዝግጅቶች መጠናቀቃቸዉን የትምሕርት ሚንስቴር ባለስልጣናት አስታዉቀዋል።የዘንድሮዉ ፈተና ከእስከ ዛሬዉ በሶስት ምክንያቶች ይለያል።አንደኛ ወቅቱ-ከግንቦት ወደ ሰኔ መሸጋሸጉ፣ ሁለተኛዉ በርካታ ተማሪዎች መፈናቀላቸዉና ሶስተኛዉ የፀጥታ ሥጋት ናቸዉ።የፈተናዉ አዘጋጆች እንደሚሉት ለሁሉም መፍትሔ አብጅተዋለታል።ዘንድሮ ከ1.2 ሚሊዮን በላይ የ10ኛ ክፍል እና ከ3 መቶ ሃያ ሺሕ በላይ የ12ኛ ክፍል ተማሪዎች ይፈተናሉ።

 

 ሰለሞን ሙጬ 

ነጋሽ መሐመድ

ኂሩት መለሰ