የቦይንግ ዉዝግብ
ማክሰኞ፣ ሚያዝያ 8 2011
ማስታወቂያ
ኢትዮጵያ ዉስጥ ከአንድ ወር በፊት የተከሰከሰዉ ዓይነት አዉሮፕላን ቦይንግ 737 ማክስ8 ዩናይትድ ስቴትስ ዉስጥ ለተጨማሪ አራት ወራት እንዳይበር የሐገሪቱ የፌደራል የበረራ ደሕንነት አስተዳደር (FAA) አገደ።ቦይንግ ኩባንያ ለአደጋዉ ምክንያት የሆነዉን የአዉሮፕላኑን ሶፍትዌር ለማሻሻል የተለያዩ ጥረቶችና የሙከራ በረራዎች እያደረገ መሆኑን አስታዉቋል።ካንድ ወር በፊት ቢሾፍቱ አጠገብ-ኢትዮጵያ፣ ከአምስት ወር በፊት ደግሞ ኢንዶኔዢያ ዉስጥ በደረሰዉ አደጋ ዘመድ ወዳጆቻቸዉ የሞቱባቸዉ ሰዎች አየር መንገዶቹንና አዉሮፕላን አምራቹን የአሜሪካ ኩባንያ ከሰዋል።
መክብብ ሸዋ
ነጋሽ መሐመድ
ማንተጋፍቶት ስለሺ