የቀድሞዉ የታንዛኒያ ፕሬዝደንት ቤንጃሚን ምካፓ አረፉ። 81 ዓመታቸዉ ነበር። ምካፓ ታንዛኒያን እንደ ጎርጎሪያኑ አቆጣጠር ከ1995 እስከ 2005 ድረስ ለ10 ዓመታት መርተዋል። ታንዛኒያ ከብሪታንያ ቅኝ አገዛዝ ነፃ ከወጣች ከ1961 ወዲሕ ምስራቅ አፍሪቃዊቱን ሐገር የመሩ ሶስተኛዉ ፕሬዝደንት ነበሩ። ታንዛኒያ ዉስጥ የመድብለ ፓርቲ ስርዓትን በማስፈንና የሩዋንዳ፣የብሩንዲና የኮንጎ ዴሞክራቲክ ሪፐብሊክን የርስበርስ ጦርነት በድርድር ለማስቆም አበክረዉ በመጣራቸዉ ይመሰገናሉ። ይሁን እንጂ በ2001 የተደረገዉ አወዛጋቢ ምርጫ ዉጤት በመቃወም አደባባይ የወጡ 30 የተቃዋሚ ፖለቲከኞች ደጋፊዎችን አስገድለዋል ተብለዉ በየጊዜዉ እየንደተወቀሱ ነበር።ምካፓ ዳሬ ሰላም ሆስፒታል ዉስጥ በሕክምና ላይ እያሉ ዛሬ መሞታቸዉ እንጂ ምክንያቱ በዉል አልተነገረም።

 

ነጋሽ መሐመድ

አዜብ ታደስ