ኢትዮጵያን እያመሰ በሚገኘው የአገሪቱ ሰሜናዊ ክፍል ጦርነት ቁጥራቸው በውል ያልታወቀ ሰዎች ሞተዋል። ብዙዎችም የአካል ጉዳት ሰለባዎች ኾነዋል። በጦርነቱ ከደረሰው የሰብአዊ መብቶች ጥሰቶች ባለፈ የሐብትና ንብረት ውድመትም ተከስቷል። የመንግሥትና የግል ተቋማት ውድመትም ታይቷል። የትምህርት ሚኒስቴር እንደሚለው በትግራይ፣ አፋር እና አማራ ክልሎች ሰባት ሺህ ትምህርት ቤቶች በከፊል ወይም ሙሉ በሙሉ ወድመዋል። ትምህርት ቤቶችን ማውደም ኢትዮጵያ የምትከተለው ባህላዊ እና መንፈሳዊ እሴቶቿን ያልተቀበለ የትምህርት ሥርዓት ውጤት ነው ሲሉ አንድ የትምህርት ባለሞያ አስተያየታቸውን ለዶይቸ ቬለ ተናግረዋል።

ሰለሞን ሙጬ 
ማንተጋፍቶት ስለሺ
ኂሩት መለሰ