የሱዳን ሕዝብ በ30 ዓመት ገዢዉ ላይ ያመፀበትን ሁለተኛ ዓመት፣ የቱኒዚያ ሕዝብ፣ ያ ወጣት ጀግናዉ እራሱ ላይ በለኮሰዉ እሳት፣ ሕዝባዊ ዓመፅ ያቀጣጠለበትን 10ኛ ዓመት ባለፈዉ ሳምንት ዘከሩ።እኩል በተዘከረዉ የሁለቱ ሐገራት አመፅ መካከል የስምንት ዓመት ልዩነት አለ።የስምንት ዓመቱ ልዩነት ከአልጄሪያ እስከ ሊባኖስ፣ ከባሕሬን እስከ የመን፣ ከሶሪያ እስከ ኢትዮጵያ፣ ከግብፅ እስከ ሴኔጋል፣ ከሊቢያ እስከ ቡሪኪና ፋሶ፣ የሁለቱ ሲደመር  የ12ት ሐገራት ሕዝብ  የአመፅ፣አድማ፣ ሠልፍና ዉጤቱ አለ።የ10 ዓመት ያመፅ፣የለዉጥ ታሪክ።ቱኒዚያዊዉ ወጣት አትክልት ሻጭ መሐመድ ቡአዚዚ እራሱን በእሳት አጋይቶ የአረብ ሕዝብን ለአመፅ ያነሳሳበት 10ኛ ዓመትን ምክንያት በማድረግ የአብዮቱን ሒደት፣ዉጤት፣ አስተምሕሮቱንና አስተጋብኦቱን በማሕደረ ዜና ዝግጅታችን ቃኝተናል።ለዝግታችን ማሟያ ከፖለቲካ ተንታኝና ደራሲ ዩሱፍ ያሲን ጋር ያደረግነዉን ሙሉ ቃለ መጠይቅ እዚሕ ይከታተሉ።

ነጋሽ መሐመድ

ሸዋዬ ለገሰ