በአምቦ ዩኒቨርሲቲ ቀደም ሲል በአርቲስት ሃጫሉ ሁንዴሳ ስም ከተሰየመው ካምፓስ ፊትለፊት የተገነባው የአርቲስቱ ሀውልት ዛሬ ተመረቀ። በሃውልቱ የምርቃት ስነ ስርአት ላይ የአርቲስቱ ቤተሰቦች፣ ጓደኞችና ተጋባዥ እንግዶች ታድመዋል። የአምቦ ዩኒቨርሲቲ ፕሬዝዳንት ዶክተር ታደሰ ቀነአ በሃውልቱ ምርቃት ላይ እንዳሉት  አርቲስት ሃጫሉ ሁንዴሳን ለማስታወስ የተገነባዉ ሃዉልቱ "አርቲስቱ ለህዝብ ነጻነት ያደረገውን ተጋድሎ የሚያስታዉስ ነው" ብለዋል፡፡ የአምቦ ዩኒቨርሲቲ የህዝብ ግንኙነት ኃላፊ ዶ/ር መንግስቱ ቱሉ ለዶይቼ ቨለ እንደተናገሩት ሃዉልቱ የአርቲስቱን የሕይወት ዘመን ታሪክ እና አስተዋፅኦን  ታሳቢ አድርጎ የተገነባ ነው ብለዋል:: የአርቲስት ሃጫሉ ሁንዴሳ አፅም ባረፈበት በአምቦ እየሱስ ቤተክርስቲያን የተገነባዉ የመታሰቢያ ሃዉልት ከዚህ ቀደም የኦሮሚያ ክልል ፕሬዚዳንት አቶ ሽመልስ አብዲሳ በተገኙበት መመረቁ ይታወሳል.

ታምራት ዲንሳ