የሶማሊያ የባሕር ላይ ወንበዴዎችን ለመዉጋት የዘመተዉ የአዉሮጳ ሕብረት የባሕር ጦር የብስ ላይ የሚገኙ የባሕር ወንበዴዎችንና መሳሪያቸዉን እንዲመታ ሕብረቱ ወሰነ።አታላንታ የተሰኘዉ የአዉሮጳ ባሕር ሐይል የእስካሁን ተልዕኮ የወንበዴዎቹን ጥቃት ባሕር ላይ መከላከል ነበር።የሕብረቱ አባል ሐገራት ዉጪ ጉዳይ ሚንስትሮች ዛሬ ባሳለፋት ዉሳኔ መሠረት ግን ጦሩ መሬትም የሚገኙ የባሕር ወንበዴዎችን እየተከታተለ ያጠቃል። መሳሪያዎቻቸዉንም ይመታል።ሚንስትሮቹ ለጦራቸዉ ተልዕኮ ማፅፈፀሚያ ተጨማሪ ገንዘብ መድበዋልም።የፀረ-ባሕር ወንበዴዎች ዉጊያዉ ከባሕር አልፎ በየብስም እንዲደረግ ቢወሰንም ሕብረቱ እግረኛ ሠራዊት አያዘምትም።የሚንስትሮቹን ስብሰባ ዉሳኔ የተከታተለዉ የብራስልሱ ወኪላችን ገበያዉ ንጉሴ እንደሚለዉ ግን የሕብረቱ ባሕር ሐይል ጦር የኢትዮጵያን ጨምሮ ሶማሊያ ከሰፈረዉ የተለያዩ ሐገራት ሠራዊት ተልዕኮ ጋር ሳይቀናጅ አይቀርም።ገበያዉን በስልክ አነጋግሬዉ ነበር።

ገበያዉ ንጉሴ

ነጋሽ መሐመድ

ሒሩት መለሰ