በተያያዘ ዜና ኢትዮጵያ፣ ሱዳንና ግብፅ በሕዳሴ ግድብ የዉሐ ሙሌት ሰበብ የገጠሙትን አለመግባባት ለማስወገድ ሽምግልና የገባዉ የአፍሪቃ ሕብረት ሶስቱን ሐገራት ለማግባባት የሚያደርገዉ ጥረት አሁንም እንደቀጠለ መሆኑ ተዘግቧል።የሕብረቱ ቢሮ አባል ሐገራት መሪዎች፣ ሶስቱ ሐገራት ከአንድ ሳምንት በፊት ባጠናቀቁት ድርድር ዉጤት ላይ ዛሬ ሲወያዩ ነዉ የዋሉት።በርቀት ቪዲዮ የሚደረገዉን ዉይይት የመሩት የወቅቱ የአፍሪቃ ሕብረት ሊቀመንበር የደቡብ አፍሪቃዉ ፕሬዝደንት ሲርየል ራማፎዛ ናቸዉ።የአፍሪቃ ሕብረት ቢሮ የሚባለዉ ስብሰብ አባል ሐገራት መሪዎች ከዚሕ ቀደምም በጉዳዩ ላይ በተከታታይ ሲወያዩ ነበር።ዛሬ የተጀመረዉ ዉይይት ለጋዜጠኞች ዝግ ነዉ።

ሰለሞን ሙጬ 

ነጋሽ መሐመድ

ኂሩት መለሰ