የኢዮጵያ የሕዝብ ተወካዮች ምክር ቤት አዲስ በተዘጋጀዉ የካፒታል ገበያ ረቂቅ አዋጅ ላይ የተለያዩ መሥሪያ ቤት ባለሙያዎችን ምክር ዛሬ አድምጧል። አርቃቂዎቹ እንደሚሉት አዋጁ ከዓለም አቀፍና ከሐገር ዉስጥ ተመሳሳይና ሌሎች ሕጎች ጋር ተጣጥሞ እንዲሠራ ታቅዶ የተረቀቀ ነዉ። ሐብታቸዉን በአክሲዎን ገበያ ላይ የሚያዉሉ  ባለሀብቶችን መብትና ጥቅም ያስጠብቃል ፣ ቀልጣፋ የሠነድ መዋዕለ ንዋይ ሥርዓትንም ይፈጥራል ባዮችም ናቸዉ።አስተያየት የሰጡት የፋይናንስ ሙሕራን  አዋጁ ከፀደቀ ጠንካራ የሒሳብ ያዢ ተቋም ፣ የፋይናንስ  ጉዳይ ዘጋቢዎች መገናኛ ዘዴዎችና የዘርፉ ትንታኔ ሰጭዎች ተቋማዊ በሆነ መልኩ ሊደራጁ ይገባል ብለዋል። 

ሰሎሞን ሙጬ 

ነጋሽ መሐመድ

ማንተጋፍቶት ስለሺ