የኤርትራው ፕሬዚዳንት ኢሳያስ አፈወርቂ ኻርቱም ገቡ
ሐሙስ፣ ሰኔ 18 2012
ማስታወቂያ
የኤርትራው ፕሬዚዳንት ኢሳያስ አፈወርቂ እና ሁለት ከፍተኛ ባለሥልጣናት ለሦስት ቀናት የሥራ ጉብኝት ሱዳን ኻርቱም ገቡ። ፕሬዚዳንቱ ኻርቱም ዓለም አቀፍ አውሮፕላን ማረፊያ ሲደርሱ የሱዳን ሉዓላዊ ምክር ቤት ፕሬዚዳንት ሉቴናንት ጄኔራል አብዱል ፋታሕ አል-ቡርሐን ተቀብለዋቸዋል። የኤርትራ ውጭ ጉዳይ ምኒስትር ኦስማን ሳሌሕ እና የፕሬዚዳንትቱ አማካሪ የማነ ገብረአብ ከልዑካን ቡድኑ አባላት መካከል ይገኙበታል። ኢሳያስ በኻርቱም ቆይታቸው ከሉቴናንት ጄኔራል አብዱል ፋታሕ አል ቡርሐን እና ምክትላቸው ሉቴናንት ጄኔራል መሐመድ ሐምዳን ዳጋሎ እንደሚወያዩ የሱዳን ሉዓላዊ ምክር ቤት አስታውቋል። ኢሳያስ እና የሱዳን ባለሥልጣናት በሁለቱ አገሮች ግንኙነት ላይ ይነጋገራሉ ቢባልም ስለጉብኝታቸው በዝርዝር የቀረበ ማብራሪያ የለም።
እሸቴ በቀለ
አዜብ ታደሰ