የአልጀርስ የድንበር ውሳኔ ተቀባይነት ሳያገኝ ቆይቶ የነበረው በውጭ ኃይሎች ጫና እንደነበር የገለፁት ፕሬዝዳንት ኢስይያስ አፈወርቂ በኢትዮጵያ አሁን በተፈጠረው ለውጥ፣ በኤርትራ ህዝብ ትግልና ፅናት ወደ አዲስ ምዕራፍ ተሸጋግረናል ብለዋል። "የባድመ ችግር ፈጠራ ነው። በሁሉም ሁኔታ ቢታይ ምንም ዓይነት የድንበር ችግር አልነበረም። የድንበር ችግር ቢኖርም በተለያየ መንገድ መፍታት ይቻል ነበር" ያሉት ፕሬዝዳንት ኢሳይያስ  "ውሳኔው ተቀባይነት ሳያገኝ የቀረው በወያነ ስርዓት ሳይሆን፡ በዚያን ጊዜ በነበሩ የዋሽንግተን አስተዳደሮች እንጂ" ሲሉ ተናግረዋል። ከጊዜ ወደ ጊዜ የኢትዮጵያና ኤርትራ ግንኙነት እየተጠናከረ መምጣቱን የገለፁት ፕሬዚዳንቱ ግንኙነቱ አሁን በተሻለና ተስፋ በሚሰጥ ደረጃ ላይ እንደሚገኝ ጠቁመዋል።፡ በኤርትራ ፕሬዚዳንት ቃለ መጠይቅ በርከት ያሉ አስታያየቶች እየተሰጡበት ነው።

ጌታቸው ተድላ ኃይለጊዮርጊስ
ተስፋለም ወልደየስ