የኦጋዴን ብሔራዊ ነፃነት ግንባር (ኦብነግ) ሃገራዊ ግንባር ሆኖ እንደሚሰራ አስታወቀ። የትናቱን ዜናችንን ያደመጣችሁ እንደምታስታዉሱት ኦብነግ አንጋፋዉን የግንባሩን ሊቀመንበር ሽሮ አዲስ ሾሟል፤ ዓርማዉን ለወጧልም። ላንድ ሳምንት ያክል ጎዴ-ሶማሌ መስተዳድር የመከረዉ ጉባኤ ለ21 ዓመት ግንባሩን በመሩት በአድሚራል መሐመድ ዑመር ዑስማን ምትክ የቀድሞዉን የግንባሩን ዋና ፀሐፊ አብዱረሕማን ሼሕ ማሪንን ሊቀመንበሩ አድርጎ መርጧል። የግንባሩ የውጭ ግንኙነት ኃላፊ አቶ ሀሰን ሙዓሊን ለድሬዳዋዉ ወኪላችን መሳይ ተክሉ በስልክ አንደነገሩት ግንባሩ እስካሁን በሚጠቀምበት አርማ ላይ የነበረዉ የክላሺንኮቭ ምስል በእስኪሪብቶና ንስር እንዲለወጥ ጉባኤዉ ወስኗል። የድሬዳዋዉ ወኪላችን መሳይ ተክሉ የግንባሩን ቃል አቀባይ አነጋግሮ ተከታዩን ዘገባ ልኮልናል። 

መሳይ ተክሉ

አዜብ ታደሰ