የፌደራል ጠቅላይ ፍርድ ቤት ሰበር ሰሚ ችሎት ዶክተር መረራ ጉዲና ያቀረቡትን የዋስትና ጥያቄ ይግባኝ ዛሬ ተመለከተ ። ዛሬ ከሰዓት በኋላ ጉዳዩን የተመለከተው ይኽው ችሎት ጉዳዩን መርምሮ ብይን ለመስጠት ለሰኞ ተለዋጭ ቀጠሮ ሰጥቷል ። የአስቸኳይ ጊዜ አዋጁን ህግ ተላልፈዋል ተብለው የተከሰሱት ዶክተር መረራ ለችሎቱ ሰላማዊ ታጋይ መሆናቸውን አስታውቀው በፖለቲካ ምክንያት መታሰሬ ይታወቅ ሲሉ ተናግረዋል ። በሌላ በኩል የፌደራል ከፍተኛ ፍርድ ቤት 19ነኛ ወንጀል ችሎት በበኩሉ በእነ ዶክተር ብርሃኑ ነጋ እና አቶ ጆሀር መሐመድ የተመሰረተው ክስ በሌሉበት እንዲታይ መበየኑን  የአዲስ አበባው ወኪላችን ዮሐንስ ገብረ እግዚአብሔር ዘግቧል ።

ዮሐንስ ገብረ እግዚአብሔር 

ኂሩት መለሰ

አዜብ ታደሰ