አራት አወያዮች በተሰየሙበት ክርስቲያን ዴሞክራቷ መራሂተ መንግሥት አንጌላ ሜርክል እና ሶሻል ዴሞክራቱ ተፎካካሪያቸዉ ማርቲን ሹልስ ያካሄዱት ክርክር ዋናዉ ትኩረቱ የስደተኞች በጀርመን ከኅብረተሰቡ ጋር ተዋህደዉ የመኖራቸዉ ጉዳይ ላይ እንደሚሆን ቢጠበቅም ፖለቲከኞቹ ጉዳዩን እንዳድበሰበሱት ነዉ ተንታኞች የሚናገሩት። ክርክር በኋላ የተሰበሰበ የሕዝብ አስተያየት ምዘና አንጌላ ሜርክል የተሻለ ተወያይ እንደነበሩ መጠቆሙም ተገልጿል። እንዲያም ሆኖ ሸዋዬ ለገሠ ያነጋገረቻቸዉ እዚህ ጀርመን ሀገር የሚኖሩት የሕግ እና የፖለቲካ ሳይንስ ምሁር ዶክተር ለማ ይፍራሸዋ ክርክሩ ኅብረተሰቡ ከሚፈልገዉ ሀገራዉ ጉዳይ ይልቅ በዉጭ ጉዳይ በመሸፈኑ ብዙም የሕዝቡን ትኩረት መሳብ ተስኖታል ይላሉ።

ሸዋዬ ለገሠ

እሸቴ በቀለ