የቀድሞዉ የግብጽ ፕሬዚዳንት ሆስኒ ሙባረክ ከዚህ ዓለም በሞት ተለዩ። 91 ዓመታቸዉ ነበር። ዛሬ ቀትር ላይ ሆስኒ ሙባረክ መሞታቸዉን የዘገበዉ የግብጽ መንግሥት ቴሌቬዥን ነዉ።  በካይሮ ሕክምና ላይ የነበሩት ሆስኒ ሙባረክ ከሳምንታት በፊት ቀዶ ጥገናን ለማካሄድ በፊርማቸዉ ማረጋገጣቸዉም ተያይዞ ተዘግቦአል።  
«የቀድሞዉ ፕሬዚዳንት ሆስኒ ሙባረክ ከረጅም ጊዜ ከባድ ሕመም በኋላ ከዚህ ዓለም በሞት ተለዩ።  የቀድሞዉ ፕሬዚዳንት ሆስኒ ሙባረክ በሆስፒታል አሳሳቢ የጤና ክትትል ክፍል ሕክምና ሲደረግላቸዉ ቆይተዉ በደረስባቸዉ ሕመም ሕይወታቸዉ ማለፉን ወንድ ልጃቸዉ ገልፆአል። »  
የግብፅ የመንግሥት ቴሌቭዥን የሆስኒ ሙባረክን ሞት ይግለፅ እንጂ፤ በርግጥ መቼ እንደሞቱ በግልጽ ያስቀመጠዉ ነገር የለም።  ግብፅን ወደ 30 ዓመት በፕሬዚዳንትነት የመሩት ሆስኒ ሙባረክ በጎርጎረሳዉያኑ 2011 ዓመት በሃገሪቱ በተነሳዉ አመፅ ከስልጣን መወገዳቸዉ ይታወሳል። ከጎርጎረሳዉያኑ የካቲት ወር 2011 ዓ,ም ጀምሮ እስር ላይ የነበሩት ሙባረክ በጎርጎረሳዉያኑ 2017 ማለትም ከሦስት ዓመት በፊት በተከሰሱበት ወንጀል ሁሉ ነፃ ተብለዉ ከእስር መለቀቃቸዉ ይታወቃል።   

አዜብ ታደሰ 

ነጋሽ መሐመድ