ፍርድ ቤት የሚለቃቸውን ተከሳሾች ፖሊስ አለመልቀቁ እንዳማረራቸው ጠበቆች አመለከቱ። ከአርቲስት ሃጫሉ ሁንዴሳ ግድያ  ማግስት በወንጀል ተጠርጥረው ታስረው ፍርድ ቤት ጉዳያቸውን ከውጭ እንዲከታተሉ የዋስትና መብታቸውን የጠበቀላቸው ቢኖሩም ትዕዛዙ እየተከበረ እንዳልሆነ ጠበቆቹ ለዶቼ ቬለ ገልጸዋል። በቅርቡ የለገጣፎ ፍርድ ቤት የዩኒቨርሲቲ መምህርና የኦፌኮ አባል ለሆኑት ዶክተር ሁሴን ከድር የ10 ሺህ ብር የዋስትና መብት ቢጠብቅላቸውም እስካሁን በፖሊስ ቁጥጥር ሥር መሆናቸውን በምሳሌነት አንስተዋል። ከእሳቸው ቀደም ሲልም የ20 ሺህ ብር የዋስትና መብታቸው እንዲጠበቅ በወረዳ ፍርድ ቤት ትዕዛዝ የተላለፈው እና አሁን ደግሞ በክልሉ ጠቅላይ ፍረድ ቤት በነጻ የተሰናበቱ የኦነግ አመራሮች የሆኑት አቶ ዳዊት አብደታ እና ለሚ ቤኛም በፖሊስ ቁጥጥር ስር መሆናቸውን ጠበቆቻቸው አብራርተዋል።

 ስዩም ጌቱ

ሸዋዬ ለገሠ

ማንተጋፍቶት ስለሺ