የኢትዮጲያ ፍትህ ሚንስቴርን አፍርሶ በምትኩ የፌዴራል ዓቃቤ ሕግ ተቋም ለመመስረት ረቅቅ አዋጅ ለሐገሪቱ የሕዝብ ተወካዮች ምክር ቤት ቀርቦ ነበር እ። ይህንንም ተከትሎ ምክር ቤቱ <<ለዝርዝር እይታ>> ለሕግ፣ ፍትሕና አስተዳደር ጉዳዮች ቋሚ ኮሚቴ እንደተመራና ዉሳኔ እየተጠባበቀ እንደሚገኝ ተዘግበዋል። የፍትህ ምንስቴሩን ማፍረስ እና አዲሱን የፌዴራል ዓቃቤ ሕግ ማቋቋም የተፈለገበት ምክንያት አስመልክቶ መርጋ ዮናስ የሚከተለ ዘገባ አጠናቅሯል።

ለምክር ቤቱ የሕግ፣ ፍትሕና አስተዳደር ጉዳዮች ቋሚ ኮሚቴ የተመራው ይኽው ረቂቅ አዋጅ ከፀደቀ የፍትህ ሚኒስቴር እንደሚፈርስ ሬፖርተር የተሰኘዉ ጋዜጣ ዘግቧል።

ጋዜጣው ይህንኑ ጉዳይ የኢትዮጵያ የፍትህ ሚኒስትር አቶ ጌታቸዉ አምባዬ ማረጋገጣቸውን ጠቅሷል ።በፍትህ ሚንስቴር የህዝብ ግኑኝነት ባለሙያ አቶ ፋንታሁን አንባዉ ግን ፍትህ ሚኒስቴር ይፈረሳል ስለ መባሉ መረጃ እንዴሌላቸዉ፣ የፌዴራል ጠቅላይ አቃቤ ህግ እንደሚቋቋም ግን እንደሚያውቁ ለዶቼ ቬሌ ተናግረዋል።

አሁን በአዋጅ ደረጃ ስላለው ጉዳይ አሰራርና አደረጃጀት እንዲሁም ሃላፊነት ዝርዝር መረጃ መስጠት እንደሚያስቸግር አቶ ፋንታሁን ይናገራሉ።ይህ ለዉጥ በመደረጉ በአገሪቱ የፍትህ ስርዓት ላይ የሚያመጣው ለውጥ ይኖራል ወይ ? ብለን በዶቼ ቬሌ የፌስቡክ ደህረ ገፅ ላይ ዉይይት አካሄዴን ነበር።

የአቃቤህግ ሥራ በተለያዩ ተቋማት ተበትኖ በመሆኑ ጉዳዬች እንደምጓተቱ እና ባለጉዳዮችም ጉዳያቸውን የት ማቅረብ እንዳለባቸው ባለማውቅ እንደሚጉላሉ ይናገራሉ። ስላዚህ ባንድ ተቋም ስር መሆኑ ይህን ችግር ሊቀርፍ ይችላል ፣ የተሻለ ተቋማዊ ነፃነትም ሊኖረው ይችላል ስሉ አስተያየተቸዉን ሰጥተውናል።

አብዛኛዉ ተወያይ ግን<<ጉልቻ ቢቀያየር ወጥ አያጣፍጥም>> በማለት ኢትዮጲያ ዉስጥ ለፍትህ ስርዓቱ በነፃነትና ገለልተኝነት እንደማያሰራ ተችተዋል። የተቋም ስም ከመለዋወጥ ባሻገር አገሪቱ ዉስጥ ስር ነቀል የፍትህ ስርዓት ያስፈልጋል ሲሊም አስተያየታቸውን አስፍረዋል።

መርጋ ዮናስ

ሒሩት መለሠ