የዩናይትድ ስቴትሱ ዉጪ ጉዳይ ሚንስትር ማይክል ፖምፒዮ የሱዳን ጉብኝት፣ የሱዳንና የእስራኤል-ዩናይትድ ስቴትስን ግንኑነት ለማሻሻል ያለመ ነዉ።ሱዳን ከእስራኤል ጋር ግንኙነቷን ለማሻሻል አቅዳለች በማለት በቅርቡ የተናገረ አንድ የሐገሪቱ ዉጪ ጉዳይ ሚንስቴር ቃል አቀባይ ከስራ ታግዷል። ሚንስቴሩም የቃል አቀባዩን መግለጫ «ሐሰት» በማለት አስተባሏል።ትናንት እስራኤልን የጎበኙት የአሜሪካዉ ከፍተኛ ዲፕሎማት ዛሬ ለሱዳን ጊዚያዊ መንግሥት መሪዎች  ያንኑ ጥያቄ ማንሳታቸዉ ተዘግቧል።ይሁንና የሱዳኑ ጠቅላይ ሚንስትር አብደላ ሐምዶክ ለፖምፒዮ ነገሩት እንደተባለዉ ሱዳን ከእስራኤል ጋር ግንኙነት እንድትመሠርት ለመወሰን ጊዚያዊዉ መንግስት መብት የለዉም።ዩናይትድ ስቴትስ ሱዳንን አሸባሪዎችን የሚረዱ ከምትላቸዉ መንግሥታት ዝርዝር ዉስጥ ለማዉጣት ሱዳን ከእስራኤል ጋር ግንኙነት ትመስርት የሚል ቅደመ ግዴታ ማስቀመጥ አይገባምም-እንደ ሱዳኑ ጠቅላይ ሚንስትር።ፖምፒዮ ካርቱም የገቡት ከቴልአቪቭ እስራኤል በቀጥታ በረራ ነዉ።ካርቱም እና ቴልአቪቭ በቀጥታ አዉሮፕላን ሲበርባቸዉ የፖምፒዮ የመጀመሪያዉ ነዉ። 

ነጋሽ መሐመድ 

አዜብ ታደሰ