የዩጋንዳ መንግስት ዋንኛ ተቀናቃኝ ቦቢ ዋይን፤ በዩጋንዳ ምርጫ እና በምርጫ ማግስት የታሰሩ ደጋፊቼ  እንዲፈቱ ሲል ዛሬ መዲና ካንፓላ ላይ ያካሄደዉን ሰላማዊ ሰልፍ ተከትሎ መታሰሩ ተሰማ። መዲና ካንፓላ የሕዝን መሰብሰብያ አደባባይ ላይ በፖሊስ በቁጥጥር ስር የዋለዉ የአንጋፋዉ ፕሬዚዳንት ዩዌሪ ሙሴቪኒ ዋንና ተቀናቃኝ ቦቢ ዋይን ፤ ከመዲናዋ ወጣ ብሎ ወደሚገኘዉ ቤቱ እንደተወሰደ እና መኖርያ ቤቱ  በፖሊስ እንደተከበበ ተዘግቦአል። በሰላማዊ ሰልፉ ላይ ቦቢ ዋይን በፖሊስ በቁጥጥር ስር እንደዋለ፤ ደጋፊዎቹን እሱን ለማስለቀቅ ምንም አይነት ትግል ከፖሊስ ጋር እንዳትገጥሙ ሲል ጥሪ ማስተላለፉን አሶሽየትድ ፕሬስ የዓይን እማኞችን ጠቅሶ ዘግቦአል። ለ39 ዓመታት  የዩጋንዳን በትረ ስልጣን ተቆጣጥረዉ የሚገኙትን ን ዩዌሪ ሙሴቪኒን ለመጣል ጥር ወር በተካሄደዉ ፕሬዚዳንታዊ ምርጫ የተወዳደረዉ ታዋቂዉ የዩጋንዳ መንግሥት ተቃዋሚ መሪ ቦቢ ዋይን ፤ ከምርጫ በፊት እና በኃላ የታሰሩ በመቶዎች የሚቆጠሩ ደጋፊዎቹ አሁንም እስር ላይ ይገኛሉ። ዩጋንዳ ጥር አጋማሽ ይፋ ባደረገችዉ የምርጫ ዉጤት የ39 ዓመቱ ቦቢ ዋይን በምርጫዉ  35 በመቶ ድምጽ ማግኘቱ ሲነገር ፤ የ 76 ዓመቱ ፕሬዚዳንት ሙዜቪኒ ደግሞ 58 በመቶ የመራጭ ድምፅን በማግኘት ስልጣን መንበሩን ተደላድለዉ መቀጠላቸዉ ይታወቃል።

 

አዜብ ታደሰ 

እሸቴ በቀለ