ጀርመን ሽቱትጋርት ውስጥ ደማቁ ድባብ ጨዋታው ከመጀመሩ በፊት

ለፍፃሜ የተጠበቁት በሩብ ፍፃሜ ሊፋለሙ ነው

በጥንታዊቱና ታሪካዊቱ ሽቱትጋርት ከተማ ጀርመን እና ስፔን ከጥቂት ሰአታት በኋላ ወደ ግማሽ ፍፃሜው ለመግባት ይፋለማሉ ። የጀርመን እና የስፔን ብሔራዊ የእግር ኳስ ደጋፊዎች ከወዲሁ የተሟሟቁ ይመስላል ። በተለይ የጀርመን ደጋፊዎች በኮይኒግ ሽትራሰ ተሰባስበው እጅግ በደመቀ ሁኔታ ድጋፋቸውን ከወዲሁ እየገለጡ ነው ። «ወደ ቤርሊን እንጓዛለን» ሲሉም በተደጋጋሚ በጀርመንኛ ሲዘምሩ ተደምጠዋል።

የ2016 ዓ.ም የአውሮፓ ዋንጫ መክፈቻ እና የጀርመን ድል

ቤርሊን የዋንጫ ጨዋታ የሚደረግባት ከተማ ናት ። ዛሬ ሽቱትጋርት አሬና ውስጥ ከምሽቱ አንድ ሰአት በሚጀምረው የሩብ ፍፃሜ ግጥሚያ ለመታደም ደጋፊዎች ወደ ከተማዪቱ እየተመመሙ ነው ።

ብዙዎች በዛሬው ግጥሚያ በምድብ ማጣሪያው አንድም ግብ ያልተቆጠረበት የስፔን ቡድን ያሸንፋል ሲሉ ገምተዋል ። የጀርመን ቡድን የዛሬውን የሩብ ፍፃሜ ካሸነፈ ዋንጫው ቤርሊን ውስጥ ይቀራል ሲሉም አክለዋል ።

ማንተጋፍቶት ስለሺ

ታምራት ዲንሳ

ዮሐንስ ገብረእግዚአብሔር