ስለትምህርት ስናወራ እየተማረ ሞተ ብባል ይሻለኛል እና በዚህ ምክንያት ዛሬም ተማሪነኝ ነው ያለኝ። ስነግጥምን የሚገልፅበት ቃል እንደሌለው የሚናገረው ገጣሚ በላይ በቀለ ወያ ለሀገሩ ለኢትዮጵያ ያለው ፍቅር ደግሞ ከምንም እንደሚበልጥበት አጫውቶኛል። 

ግጥሞችን መጻፍ ከጀመረ ስድስት ሰባት ዓመታት እንደሆኑት የሚናገረው በላይ በቀለ ወያ፤ ሙሉ ጊዜውን ለኪነጥበብ እና ስነጽሑፍ ሰጥቷል። ከቅርብ ጊዜ ወዲህ ደግሞ በወር አንድ ቀን ማክሰኞ የግጥም ምሽት ከባልደረባው ጋር በመሆን ያዘጋጃል። ካለፉት ጥቂት ዓመታት ወዲህ የግጥም ምሽቶች እየተበራከቱ ታዳሚዉም ቁጥሩ እየጨመረ መሄዱንም አስተውሏል። ጎህ በተሰኘው የግጥም ምሽቱ እስከ አንድ ሺህ ሰዎች ይታደማሉ። የእሱን እና የባልደረቦቹን የጥበብ ሥራዎች በአካል ለማድመጥም ወር በገባ በሁለተኛው ሳምንት ማክሰኞ ዋቢ ሸበሌ ሆቴል ብቅ ያለ መንፈሱን አርክቶ እንደሚመለስ ነው ከቆይታችን የተገነዘብኩት።

ሸዋዬ ለገሠ