የፈረንሳይ መንግስት በነዳጅ ዘይት ላይ ያደረገዉን የዋጋ ጭማሪ በመቃወም በተለያዩ  ከተሞች የተደረገ እና የሚደረገዉ የአደባባይ ሰልፍ እና አድማ የሐገሪቱን ምጣኔ ሐብት እያሽመደመደዉ ነዉ።«ቢጫ ሰደርያ » የሚባሉት አድመኞች ከፀጥታ አስከባሪዎች ጋር በገጠሙት ግጭት የሰዉ ሕይወት ጠፍቷል፤ ሐብት ንብረትም ወድሟል። በሕዝባዊዉ ተቃዉሞ አድማ ምክንያት የቀድሞ አቋሙን የለወጠዉ የፕሬዝደንት ኢማኑኤል ማክሮ መንግስት በነዳጅ ዘይት ዋጋ ላይ የተደረገዉን የዋጋ ጭማሪ ለስድስት ወር በሥራ ላይ እንዳይወል አግዷል። የተቃዉሞ ሰልፉ አስተባባሪዎች ግን ተጨማሪ ተቃዉሞ እንዲደረግ እየጠሩ ነዉ።አንዳድ ፖለቲከኞች ደግሞ መንግስት አስቸኳይ ጊዜ አዋጅ እንዲደነግግ እየገፋፉ ነዉ።

ኃይማኖት ጥሩነሕ 

ነጋሽ መሐመድ

ሸዋዬ ለገሰ