የኢትዮጵያና ኤርትራ የደንበር ውዝግብ በከፋ ሁኔታ ላይ ነዉ

የኤርትራው ፕሬዝዳንት ኢሳያስ አፍወርቂ በሀገራቸው ቴሌቪዝን በቀጥታ በተላለፈ ቃለ መጠይቅ የኢትዮጵያና ኤርትራ የደንበር ውዝግብ ጉዳይ በከፋ ሁኔታ ላይ መሆኑ ገለፁ፡፡ በሌላ በኩል ፕሬዝዳንቱ አዲሱ ምዕራፍ የኢትዮጵያና ኤርትራ ግንኙነት በመልካም ሁኔታ ላይ መሆኑ ጠቁመዋል፡፡ አሁን በተያዘዉ 2020 የጎርጎረሳዉያን ዓመት የመጀመሪያ ቃለ መጠይቅ የሰጡት ፕሬዝዳንት ኢሳያስ አፍወርቂ በኢትዮጵያ ሕገ መንግስት፣ የ2012 ምርጫ፣ እየተስተዋሉ ያሉ ብሄር ተኮር ግጭቶችና ሌሎች ጉዳዮች ዙርያም አስተያየታቸው ሰጥተዋል፡፡ ከኢትዮጵያ ጋር ከተያያዙ አጀንዳዎች ውጪ ኤርትራ የሱዳንን ፖለቲካዊ ሁኔታ በትኩረት እየተከታተለች መሆኑ የገለፁ ሲሆን የቀይባህር አካባቢ ሀገራት መርህ መሰረት ያደረገ ትብብር እንደሚያስፈልጋቸውም ተናግረዋል፡፡

ሚሊዮን ኃይለሥላሴ 

አዜብ ታደሰ