A jiyane mataimakin firai ministan China Li Kettschi'ang ya fara ziyar kwanaki uku a ƙasar Jamus da zimmar ƙarfafa hulɗar siyasa da kasuwanci, tsakanin ƙasashen biyu mafiya sayar da haja a ƙetare. Daga isowarsa dai ya gana da ministan tattalin arzikin Jamus Rainer Brüderle, wanda ya jaddada kiran Chnina ta ƙara darajar kuɗinta bisa na euro. A yanzu dai wani lokacine da ƙasashen EU da Amirka suke taƙaddama kan zargin da ake yi wa China, na rage darajar kuɗin ta da wata manufa. Da yake ganawa da 'yan kasuwan Jamus, Li yace China ta na buƙatar ƙarfafa hulɗa da ƙasashen da ke amfani da kuɗin euro, domin suna da mahimmanci ga kasuwannin duniya dama na China. A yaune ake saran mataimakin firimiyan Chinan, zai gana da shugabar gwamnatin Jamus Angela Merkel.

Mawallafi: Usman Shehu Usman

Edita: Halima Balaraba Abbas