Yayin babban taron sauyi ko kuma dumamar yanayi na COP25 da ke gudana a birnin Madrid na kasar Spain, majalisar ta nunar da cewa karuwar zafin na da nasaba da dumamar yanayi da kuma yadda teku ke kara tumbatsa. Rahotanni sun nunar da cewa a shekara ta 2019 da muke ciki kawai, zafin ya karu a duniya da sama da digiri daya a ma'aunin Celsius. Tun dai daga shekara ta 1850 ne, aka fara tantance yadda  yanayi yake sauyawa a duniya.