Wannan dai na zama koma baya mafi girma da IS din ta samu tun bayan da ta ayyana birnin na Mosul a matsayin Daular ta.

Tun da farko a yau Firayim Ministan Irakin Haider al-Abadi ya gana da shugabannin al'ummar Kiristoci marasa rinjaye a Mosul domin tattauna makomar arewacin birnin bayan nasarar kabbabe yan kungiyar IS. 

Al Abadi wanda ya isa birnin na Mosul a jiya Lahadi ya kuma gana da kwamandojin sojin inda ya taya su murna kan jaruntakar da suka nuna a yakin.

“Yace muna kan matakin karshe na murkushe Daesh baki daya. An riga an yi musu kawanya kuma an basu zabi su yi saranda ko kuma a kashe su. Wannan shine abin da muka yi. Yawancin yan  Daesh a Mosul an hallaka su”.